Ritun og sending skilaboða
Veldu
>
Skilaboð.
Mikilvægt: Fara skal með gát þegar skilaboð eru
opnuð. Skilaboð geta innihaldið skaðlegan hugbúnað eða
skaðað tölvuna eða tækið á einhvern annan hátt.
Til að geta búið til margmiðlunarskilaboð eða skrifað
tölvupóst verða réttar tengistillingar að vera fyrir hendi.
Þráðlausa símkerfið kann að takmarka stærð MMS-skilaboða.
Ef myndin sem bætt er inn fer yfir þessi mörk gæti tækið
minnkað hana þannig að hægt sé að senda hana með MMS.
Athugaðu stærðartakmörk tölvupóstskeyta hjá
þjónustuveitunni. Ef þú reynir að senda tölvupóst sem er yfir
mörkum tölvupóstmiðlarans eru skilaboðin áfram í
möppunni Úthólf og tækið reynir reglulega að senda þau.
Gagnatenging er nauðsynleg til að senda tölvupóst og
endurteknar tilraunir til að senda tölvupóst kunna að auka
kostnað vegna gagnaflutnings. Hægt er að eyða slíkum
skilaboðum í möppunni Úthólf eða færa þau yfir í möppuna
Drög.
© 2009 Nokia. Öll réttindi áskilin.
37
1. Veldu Ný skilaboð > Skilaboð til að senda textaskilboð
eða margmiðlunarboð (MMS), Hljóðskilaboð til að senda
margmiðlunarboð sem innihalda eitt hljóðinnskot, eða
Tölvupóst til að senda tölvupóst.
2. Í reitnum Til skaltu ýta á skruntakkann til að velja
viðtakendur eða hóp viðtakenda úr tengiliðalistanum,
eða slá inn símanúmer eða tölvupóstfang viðtakandans.
Semíkomma (;) sem skilur að viðtakendur er sett inn með
því að ýta á *. Einnig er hægt að afrita og líma númer eða
tölvupóstföng af klemmuspjaldinu.
3. Færðu titil tölvupóstskeytisins inn í reitinn Efni. Hægt er
að breyta því hvaða reitir eru sýnilegir með því að velja
Valkostir > Skilaboðahausar.
4. Skilaboðin eru skrifuð í skilaboðareitinn. Til að setja inn
sniðmát eða athugasemd skaltu velja Valkostir > Setja
inn efni > Setja inn texta > Sniðmát eða
Minnismiða.
5. Til að bæta skrá við margmiðlunarskilaboð velurðu
Valkostir > Setja inn efni, skráagerðina eða slóðina og
sjálfa skrána. Til að láta nafnspjald, skyggnu, athugasemd
eða einhverja aðra skrá fylgja skilaboðunum velurðu
Valkostir > Setja inn efni > Setja inn annað.
6. Til að taka mynd eða taka upp hljóð eða myndskeið fyrir
margmiðlunarboð velurðu Valkostir > Setja inn efni >
Setja inn mynd > Nýja, Setja inn myndskeið > Nýtt
eða Setja inn hljóð > Nýtt.
7. Til að setja viðhengi í tölvupóst velurðu Valkostir og
tegund viðhengis. Viðhengi í tölvupósti eru auðkennd
með .
8. Veldu Valkostir > Senda eða ýttu á hringitakkann til að
senda skilaboðin.
Til athugunar: Táknið um að skilaboð hafi verið send,
eða texti sem birtist á skjá tækisins, merkir ekki að
viðtakandinn hafi fengið skilaboðin.
Tækið styður textaskilaboð sem fara yfir takmörkin fyrir ein
skilaboð. Lengri skilaboð eru send sem tvö eða fleiri skilaboð.
Þjónustuveitan tekur hugsanlega gjald í samræmi við það.
Stafir sem nota kommur, önnur tákn eða valkosti sumra
tungumála taka meira pláss og takmarka þann stafafjölda
sem hægt er að senda í einum skilaboðum.
Ekki er víst að hægt sé að senda myndskeið sem eru vistuð á
MP4-sniði eða sem fara yfir leyfilega stærð
margmiðlunarboða á símkerfinu.